Þá andaðist hin fallega hugmynd.

Þá er hin fallega hugmynd Helga Vilhjálmssonar væntanlega úr sögunni. Ég sem var farinn að hlakka til að geta keypt gott herbergi fyrir mig og konuna þar sem við færumst óðfluga nær þeim hópi sem ekki er lengur talinn til gagns í samfélaginu. Amk. er ekki inni í myndinni að láta féfletta sig með að skipta á einbýlinu og skókassa í lyftublokk og borga jafnvel á milli eins og svo algengt er orðið meðal galinna elliglepingja í dag. Í skökössum lyftublokkanna er nefnilega ekkert við að vera en á Sögu hefði verið notarlegt að byrja kvöldið á Mímisbar, færa sig svo á Grillið og enda svo notarlega kvöldstund í Súlnasal yfir minningum liðinna ára þar sem andi Ragga Bjarna svifi yfir vötnum. En lífeyrissjóðir landsmanna eru ekki til að búa öldruðum áhyggjulaust ævikvöld, hvað þá þægilegt líf þar til flutningar í Blómabrekkuna taka við. Fjármuni lífeyrissjóðanna þarf nefnilega að nota í spilavíti gambleranna sem stjórna sjóðunum.

Vilja endurreisa rekstur Hótel Sögu

Laumufarþegarnir.

Á að líða þeim sem ekki vilja láta bólusetja sig að njóta sömu réttinda og hinir sem þegið hafa bólusetningu til að ná hjarðónæmi ? Einhver flugfélög hafa td. gefið það út að forsenda þess að fá að fljúga með þeim sé að viðkomandi hafi verið fullbólusettur og geti framvísað vottorði um slíkt. Laumufarþegunum, þ.e. þeim sem alls vilja njóta til jafns við hina án þess að leggja nokkuð af mörkum í okkar samfélagi fjölgar stöðugt.

Keyrðu skammtana í Reykjanesbæ

Var Drífu boðið ?

Var Drífu og Sólveigu ekki boðið með, svona sem sérstakir heiðursgestir?

Danir hneigðu sig fyrir áhöfn Play

Pokaeftirlitið.

Fljótlega verður væntanlega sett á fót nýtt ríkisapparat sem kallað verður Pokaeftirlitið ohf. Það mun hafa með höndum það eina verkefni að fylgjast með því að þegnar landsins noti hvern poka hverrar gerðar sem hann er oftar en einu sinni. Ströng viðurlög verða við því að nota hann aðeins einu sinni. Pokinn sem slíkur, hvort sem hann er úr pappír, plasti, taui eða jafnvel timbri og járni ákveður ekkert sjálfur hvort hann er einnota eða margnota. Það eru þeir sem nota pokana og því fáranlegt að banna einhverjar tegundir þeirra. Ef plastpokinn væri seldur á 300 krónur eins og taupokinn, væri hann þá aðeins notaður einu sinni ? Þegnarnir þurfa nú samt  tæplega að hafa áhyggjur af því að verða nappaðir enda þrátt fyrir óteljandi eftirlitsstofnanir ríkisins þá er allt eftirlit í skötulíki þar sem langflestir starfsmenn í þessum geira telja sitt eina hlutverk vera að bíða efrir næsta útborgunardegi.

Engir einnota pokar í Vínbúðunum

Einræðisherrann.

Helst mega engin fyrirtæki þrífast í landinu nema starfsmenn þeirra séu í aðildarfélögum ASÍ. Hinir Marxísku stjórar verkalýðshreyfingarinnar hafa hreðjatak á íslensku atvinnulífi enda hafa lengi vel einungis verið lyddur hjá SA sem samþykkja hvaða dellu sem er mótþróalaust. Síðan er bankað upp á í Stjórnarráðinu áður en undirskriftir eru þornaðar og ríkissjóður kemur til bjargar. Þrátt fyrir allt tal um félagafrelsi á Íslandi þá er það ekki svo í raun. Raunveruleikinn er sá að skylduaðild er að verkalýðsfélögum í landinu. Launamenn eru að þeim forspurðum látnir greiða í verkalýðsfélög og þeim sem ekki eiga aðild að SA er samt gert að lúta þeim samningum sem þar eru gerðir. Réttur vinnuveitenda í dag er hverfandi eða kannski réttar að segja að vinnuveitendur eru algjörlega réttlausir. Hryðjuverkamaddömurnar hjá ASÍ og Eflingu eru ekki lengur sáttar við að fólki sé þröngvað til aðildar að félögum sem það jafnvel vill ekki vera í heldur skulu þau félög vera innan aðildar ASÍ. Það er virkileg þörf á löggjöf sem tekur á þessu og bannar skylduaðild að verkalýðsfélögum og losar þá atvinnurekendur sem ekki eru innan aðildar SA undan því að lúta samningum þeirra samtaka, þeir eiga að geta gert samninga beint við sína starfsmenn eins og fólk gerir sín á milli í öðrum efnum.

ÍFF „aðför að réttindum vinnandi fólks“

Hvar er Drífa ?

Ekki hefur heyrst neitt í Drífu og hennar fylginauta hjá Hryðjuverkasambandi Íslands þó þessu liði telji við hæfi að hvetja landsmenn til að sniðganga fyrirtæki þar sem starfsmenn eru ekki í aðildarfélagi að samtökum Drífu. Væntanlega eru flugáhafnir véla Neos sem hingað munu fljúga ekki í stéttafélagi sem Drífu þóknast. Fyrrum eigandi Heimsferða sem skildi við það fyrirtæki í rúst ætlar sér stóran hlut á markaðinum með nýju fyrirtæki sínu Aventura sem notast bæði við Play og Austantjaldsflugfélög þar sem kjör flugáhafnanna eru talsvert lakari en hjá Play. Má nokkur starfsemi fá að þrífast í landinu nema hljóta blessun ASÍ ? Tilvera SA er nokkuð óljós, þar á bæ samþykkja menn bara allt bullið frá ASÍ án nokkurrar viðspyrnu.

Neos flýgur viðskiptavinum Heimsferða

Krónu ?

Nei, enda nota þeir ekki krónu vestanhafs, þeir eru með dollar.

Greiddu ekki krónu í skatta

Tannlaus með snuð !

Er ég að fara að mæta á kjörstað til að kjósa sandkassakrakka til að stjórna landinu ? NEI, ég sit heima. Þarna sitja hvort eð er mestu trúðar sem hægt er að finna og hvergi gjaldgengir á hinum almenna vinnumarkaði.

Athugasemdirnar komu á óvart

Áskrifendur að laununum.

Stjórnendur Kópavogsbæjar hafa sýnt það í verki að þeir líta á stöðu sína sem áskriftartryggingu fyrir laununum sínum. Þeim er slétt sama um hvað hinum almennu íbúum bæjarins finnst um hinar og þessar framkvæmdir og hvort þeir verði fyrir óþægindum þeirra vegna. Þeir vita það að jafnvel þó einhverjir verði svo ósáttir að þeir flytji úr bænum munu ávallt koma aðrir í staðinn til að moka undir taðgatið á þeim. Reglan í bænum er að framkvæma fyrst og sækja svo um leyfi eftir á en aðeins ef upp kemst og þeim sem brotið er gegn er þá jafnvel gert að sækja rétt sinn fyrir dómstólum. Stjórnendur bæjarins hafa líka engu að tapa, málskostnaður greiddur úr vösum bæjarbúa, þ.e. sömu vösum og launin þeirra eru greidd úr. Þetta virðist vera þverpólítísk stefna hjá bænum sama hvort um er að ræða kommana eða sjálftökuliðið  og allt litrófið þar á milli. Það er kostur þegar allir flokkar geta þó verið hundrað prósent sammála um eitthvað, hér eru þeir þó sammála um að valda bæjarbúum sem mestum óþægindum. Þeir sem ekki sjá slysahættuna sem mynd þessarar fréttar sýnir eru annað hvor haldnir heimilisblindu eða eru hreinlega staurblindir.

Girðing í vegi gangandi

Austur Evrópu ?

En verða tekin gild vottorð frá Austur-Evrópulöndum ? Þar er hægt að kaupa meiraprófsskírteini fyrir 15 evrur. Svo er hægt að kaupa sér faggildingu sem pípulagningamaður, rafvirki eða smiður þó maður viti ekki í hvorn enda hamarsins á að halda ? Spurning hvað heilaskurðlæknirinn kostar. Og svo er þetta allt meira og minna ótalandi á nokkra tungu nema eigin ættbálks. En ég er nú bara rasisti af verstu gerð og verð ávalt dæmdur sem slíkur þó staðreyndirnar tali sínu máli, skoðum bara fréttir síðustu daga.

„Tökum ekki gild nein vottorð utan Evrópu“