Aldursrænt sjálfræði.

Það verður að gæta jafnræðis og hljóta nú þeir sem upplifa sig á öðrum aldri en þeir í raun eru að eiga rétt á að fá aldur sinn skráðan í samræmi við eigin upplifun. Ekki langt er síðan að fréttist af karli nokkrum sem skráður var tæplega sjötugur en upplifði sig sjálfan ekki degi eldri en fertugan. Sagðist hann líða vítiskvalir af þessum sökum og nefndi hann að það væru ekkert nema gamlar kerlingar að setja sig í samband við hann á Tinder, svona bráðungan manninn. Þá ætti fólk að fá að velja skráða hæð sína í vegabréf en ég er td. skráður hálfgerður dvergur þar þó ég upplifi mig sjálfur sem háan og spengilegan mann rétt kominn yfir afengiskaupaaldurinn. Ég held að rétt sé að halda sig við skráningu á líkamlegum einkennum, annað er bara til að flækja málin þegar bera þarf kennsl á fólk. En íslenskt samfélag er orðið daprara en nokkuð sem getur kallast brandari lengur sem hægt er að hlægja af og er það vegna þess að alls kyns veruleikafirrtir furðufuglar hafa fengið sínum hugmyndum framgengt á kostnað samborgara sinna.

Hætta á óafturkræfum inngripum

Athugasemdir

[Aztec, 17.2.2019 kl. 18:21]

Góð færsla hjá þér. Sjálfur er ég á sjötugsaldri en hef nýlega kynnzt 24 ára gamalli konu sem því miður vill ekkert með mig hafa vegna aldurs. þessu verð ég að breyta og hlakka ég til lagabreytingar um aldursrænt sjálfræði Þettya er auðvitað jafn fráleitt og "kynrænt sjálfræði"

Ég skil ekki hvernig Sjálfstæðisflokkurinn getur verið að samþykkja þessa helvítis öfgafemínistavitleysu. En það sýnir bara að það er VG sem hefur töglin og hagldirnar í ríkisstjórninni, sem er jú auðvelt með slyttin Bjarna Ben og Sigurð Inga sem valdalausa farþega.

Við öfgamanneskjuna Katrínu Jak. vil ég segja:

a) Það eru bara til tvö kyn, karlkyn og kvenkyn. Hermafródítismi (kynleysi) er afbrigðilegur fæðingargalli og sem betur fer afar, afar sjaldgæfur.

b) Kynferði ákvarðast við getnað og er aldrei hægt að breyta eftir fæðingu, þar eð karlkyns barn hefur XY-litninga og kvenkyns barn hefur XX-litninga í hverri einustu frumu.

c) Þess vegna getur einstaklingur sem fæðist karlskyns aldrei orðið kona, alveg sama hversu margar kynfæraígræðslur og kvenhormónameðferðir hann gengst undir. Á sama hátt getur einstaklingur sem fæðist kvenkyns aldrei orðið karl, alveg sama hversu margar kynfæraágræðslur og karlhormónameðferðir hún gengst undir.

Ofangreint eru óvéfengjanlegar líffræðilegar staðreyndir.

Ef ég væri vinnuveitandi og einhver kæmi í atvinnuviðtal, sem augljóslega gæfi upp rangt kyn, þá færi ég fram á að viðkomandi færi í litningaprófun til að sanna eða afsanna það. Að gefa upp rangt kyn við ráðningu er jafnrangt og gefa upp ranga kennitölu eða falsaðar prófgráður. Hins vegar, ef vinnuleitandinn segði í viðtalinu að hann væri karl en væri klæðskiptingur eða hefði farið í kynfæraskipti til að líkjast konu af því að honum fyndist hann upplifa sig sem kvenmann, þá væri ekkert því til fyrirstöðu að ráða hann ef hann uppfyllti hæfniskröfur. Eða öfugt ef um konu væri að ræða sem vildi líkjast karlmanni. Ég hef enga fordóma. Ég hef bara óbeit á falsi og lygum.