Flugvallargjöldin burt!

Stjórnendur Isavia hafa eftir að hafa tapað 2 milljörðum frá sér vegna fáranlegrar lánagreiðslu til WOW reynt að réttlæta gjörðir sínar með því að fullyrða að aðrar tekjur af farþegum WOW hafi numið talsvert hærri fjárhæðum en sem því tapi nam. Eftir á að koma í ljós hvað þarf að greiða í skaðabætur. Forstjórinn vísaði m.a. til að hafa selt þessum farþegum mat fyrir meira en 2 milljarða meðan WOW var tengt öndunarvél Isavia. Isavia er ekki að selja mat þó Skagfirska mafían sé leigutaki Isavia á vellinum í því hlutverki. Sérstakt verður þó að teljast að Isavia sem ekki gat einangrað gjöld hinnar kyrrsettu vélar frá því sem heildarskuld WOW hljóðaði upp á telur sig geta brotið upp í smæstu einingu hvað hver WOW farþegi át og drakk fyrir mikið á vellinum. WOW farþegar voru ódýrustu farþegarnir sem ekkert skildu eftir þar fyrir utan enda fengu þeir fargjöldin nánast gefins frá íslenskum skattgreiðendum. En fyrst Isavia græðir svona mikið á að selja farþegum mat og drykk á vellinum hvers vegna eru þá hin eiginlegu flugvallargjöld ekki bara felld niður? 

42,8% veltu KEF ekki af flugi

Hvað er milljörð?

Hægt að afsaka það ef aðfluttur útlendingur skrifaði þessa frétt. En milljarður beygist ekki eins og jörð. Þarf kannski að leggja meiri áherslu á Íslenskukennslu í fjölmiðlafræði og fella grimmar þá sem ekki geta komið fréttum frá sér þokkalega skammlaust. Allt of oft eru fréttir nú til dags svo vitlaust skrifaðar að ekki er nokkur leið að skilja þær. amk. ekki fyrir "gamlingja" eins og mig.

Flugfreyjur krefjast milljarðar úr þrotabúi

Ómissandi fólk ?

Þetta er það sem þessir hárasslærðu herrar bjóða almenningi upp á. Þeir trúa sjálfir að þeir séu algjörlega ómissandi. En auðvitað er taxtinn hár hjá þeim. Þeir hafa þurft að fjárfesta í skrifborði, stól og tölvu til að stunda þennan rekstur, já og leigja sér skrifstofukrók. Og menntun þeirra er nánast öll greidd af skattborgurum landsins. Svo ætla menn að geggjast yfir því að bílaverkstæði rukki 20.000 á tímann með tugmilljón króna græjur undir. Bílkranar og vörubílar með manni, þ.e. græjur sem kosta upp í 100 milljónir eru ekki verðlagðar á tímagjaldi sem nálgast þetta. Einhvern tímann var þetta kallað að læra yfir sig. En afhverju að taka það sem er sanngjarn þegar hægt er að komast upp með að hirða allt sem hrifsa má til sín? 

Vandræðalegasti viðskiptafarsi síðari ára

Ballerínur og glaumgosar.

Guð forði okkur frá frekari glaumgosum og ballerínum í flugbransanum. Þetta brölt á Skúla og Andra Má hefur ekki skilað neinu öðru en tjóni fyrir samfélagið heilt á litið. Skúli flutti hingað fátæklinga sem lítið skildu eftir sig og Andri Már vann ötullega að því að brjóta niður samfélagið með undirboðum á vinnumarkaði. Enn trúa því einhverjir að samdráttur í komu ferðamanna sé vegna falls WOW sem er hrein firra nema sátt hefði verið um að skattgreiðendur greiddu áfram flugfargjöld farþega þeirra. Flugfélög (Easy Jet og British Airways td.) eru að fækka ferðum til og frá landinu þar sem eftirspurnin er ekki næg. Það er hins vegar hægt að búa til gríðarlega eftirspurn með því að gefa nánast flugmiðana eins og WOW gerði með samningi við Isavia um að senda skattgreiðendum síðan reikninginn að lokum. Samgöngustofa hefur aldeilis staðið sig líka í stykkinu, eða hitt þá heldur - glaumgosanum var leyft að halda áfram fram í rauðan dauðann eða þar til allt hafði verið þurrkað upp. Það verður fróðlegt að sjá hve mikið fæst upp í almennar kröfur við uppgjör WOW. Skiptastjórarnir fá fyrst sitt í skiptakostnað á ofurtöxtum, lítið sem ekkert verður til upp í forgangskröfur og almennar kröfur er eitthvað sem ekki þarf að líta á. Við Íslendingar þurfum ekki fleiri svona ævintýri. Vonandi heldur Ballerínan sig utan Íslands með sína byssubófaleiki, hún virðist hafa nokkuð frjálsar hendur í Sómalíu, landi eymdar og volæðis.

WOW-kaup í uppnámi

Í heljargreipum stéttarfélaganna.

Fyrirtækið á sér enga framtíð meðan það er í hlekkjum FÍA. Nú stefnir í það sama og gerðist við kaupskipaflotann fyrir mörgum árum. Óbilgirni stéttarfálaganna, þó sérstaklega Sjómannafélags Reykjavíkur sem þá var varð til þess að skipin hrökkluðust með skráningu sína úr landi og að lokum undan íslensku eignarhaldi. Þverhausahátturinn varð svo til að störfum Íslendinganna var útrýmt að lang mestu leyti og eftir sitja störf örfárra einstaklinga sem eru í nokkurs konar ferjusiglingum fyrir Eimskip og Samskip. Þau skip eru þó skráð erlendis, starfsmennirnir taka laun hjá erlendum félögum og ekki ein króna skilar sér í skatta af þeim inn í íslenskt samfélag. Icelandair rís ekki undir margföldum launakostnaði við samkeppnisaðila sína sem fljúga til og frá Íslandi. Samt er stór hluti launa flugstéttanna svikin undan skatti í formi dagpeningagreiðslna en það dugir ekki einu sinni til.

Auka þarf framlegð hjá Icelandair Group

Ef eftirsjáin er engin.......

Stjórnendur Isavia sjá ekki eftir neinu. Þeir iðrast þá ekki gjörða sinna og sanna með því að þeir eru algjörlega óhæfir til að stýra fyrirtækinu. Ætli þeir hefðu ekki haft annan hátt á ef þeir ættu fyrirtækið sjálfir og þyrftu að taka skellinn? Þar sem þeir sjá ekkert rangt við málið en að dómarinn dæmdi þeim ekki í hag er þá ekki rétta að þeir bæti það tjón sem þeir hafa valdið persónlega að því marki sem eignir þeirra hrökkva til og standi svo eignalausir eftir sjálfir? Svona fólki á að sparka án tafar og svipta öllum greiðslum frá og með brottrekstrardegi. Það sem er kostulegast við þetta er að stjórarnir þarna eru allir sprenglærðir á bossana með allar sínar gráður upp úr einhverjum þykkum doðröntum. Það virðist ekki hafa hjálpað þeim að halda almennri dómgreind sem jafnvel krakkar á leikskólaaldri búa yfir. Þetta bætist í safnið á því þar sem skattgreiðendur taka skellinn og eftirmálarnir verða engir fyrir þá sem valda tjóninu. Isavia stjórarnir virðast halda að þeir séu algjörlega undanþegnir almennum lögum og reglum. Hvernig hegðuðu þeir sér í málarekstri Kaffitárs ? og komust upp með!

Sér ekki eftir ákvörðunum Isavia

Ekki sama hver er.

Á sama tíma og forsvarsmenn Isavia leyfðu vanskilum WOW að safnast í yfir 2 milljarða var flugvél í eigu flugfélagsins Arna (Ernir)kyrrsett vegna vanskila upp á tæpar 100 milljónir. Voru Ernir ekki eins þjálfaðir í að kaupa sér þægindi og vandamálalausnir með sporslum til áhrifaaðila og WOWararnir?

Lét vanskil viðgangast mánuðum saman

Verulega ámælisvert ?

Það sem er verulega ámælisvert er að ekki sé fyrir löngu búið að gera þeim aðilum hjá Isavia og hugsanlega fleirum sem bera ábyrgð á klúðrinu að hypja sig af vinnustaðnum til frambúðar. Þeir hafa jafnvel látið hafa eftir sér að þeir muni fara eins að komi svona staða upp aftur. Hafa forsvarsmenn opinberra stofnanna og OHF félaga ótakmarkað leyfi til að valda stórtjóni án nokkurra eftirmála? Allt í boði almennings ?

„Verulega ámælisverð“ niðurstaða

Þá þarf að moka flórinn og ná upp í tjónið.

Niðurstaða sem öllum mátti vera ljós í upphafi, þú kyrrsetur ekki eigur einhvers fyrir skuldum annarra. Nú þarf að fara með stækkunarglerið á það bæði hjá Isavia og alla leið upp í ráðuneyti hverjir eru ábyrgir fyrir þessu klúðri. Að sjálfsögðu á að reka þá með skömm og hýrudraga þá. Þá ætti að stefna þeim og sækja til þeirra persónulega það tjón sem þeir hafa valdið skattgreiðendum með þessum fábjánagangi. Hafa verður í huga að fyrst var hinu tæknilega gjaldþrota WOW liðið að safna upp verulega óeðlilega háum skuldum sem skekkti samkeppni á þessum markaði. Það hljóta að vera takmörk fyrir því hvernig stjórnendur Isvia mega hegða sér. Einverjir reyna að blása út að fækkun ferðamanna sé að verulegu leyti vegna falls WOW en það mátti öllum vera ljóst að þeim hlaut að fækka ef enginn vildi greiða fyrir þá stærstan hluta fargjaldanna til og frá landinu eins og Isavia gerði um margra mánaða skeið með því að líða WOW veruleg vanskil langt umfram það sem eðlilegt gat talist og nú verður reikningurinn sendur til skattgreiðenda. ALC mun svo væntanlega gera kröfu á að fá tjón sitt vegna kyrrsetningarinnar bætt og ættu vanvitarnir hjá Isavia að bera það tjón sjálfir persónulega.  

ALC leggur Isavia og fær þotuna

Leggjum þessa sukksjóði af.

Þó ég sé nú ekki mjög kommúnískur í hugsun þá hef ég eftir að ég hef kynnt mér betur starfsemi lífeyrissjóðanna færst nær því að ríkið eigi að yfirtaka lífeyrissjóði landsins og nýta fjármunina til uppbyggingu innviða. Ávöxtun langflestra sjóðanna til lengri tíma er daprari en ef peningarnir væru geymdir á bankareikningi. Innan við þriðjungur þess iðgjalds ( þ.e. eingöngu framlag launþega) sem fólk er að greiða í dag myndi nægja ríkinu til framtíðar til að greiða svo út þann lífeyri sem verið er að greiða í dag en útgreiðslum þyrfti að breyta þannig að við eftirlaunaaldur yrði greidd út sama tala á haus óháð því hvaða laun viðkomandi hafði á starfstíma. Skylduaðild að lífeyrissjóðum er tímaskekkja. Ég verð tilbúinn við dyrnar hjá Frjálsa á sextugsafmælinu mínu til að forða öllu frá þeim sem ég má, jafnvel þó ég þurfi að greiða 40% í skatt af því.

Tryggja að stjórnir séu alveg sjálfstæðar