ATM

Er þetta ekki óþarfa bruðl ? Má ekki nýta sér tæknina og setja bara upp svona einskonar ATM í einverjum stórmörkuðum sem leysir þetta launafreka fólk af hólmi? Það er hægt en vantar kannski viljann þar sem þeir sem fylgdu því eftir væru þar með að skerða framtíðarmöguleika sína á störfum. 

Árni Þór til Moskvu og Auðunn til Helsinki

Askarnir og bókvitið.

Sprenglærðir á bossann kunna nú aldeilis að koma orðum að þessu með háfleygum hætti. En gegnumgangandi tala þessir aðilar um framtíðargóssentíð meðan allt er í blóma jafnvel þó sýnileg óveðursskýin hrannist upp við sjóndeildarhringinn. Hinir rasslerðu sérspekingar koma hins vegar aldrei fram með þessar spár sínar fyrr en þær eru í raun orðnar að veruleika. Svo eru aðrir mun fáfróðari og minna lesnir en meira í nærumhverfi atvinnulífsins sem hafa séð fyrir þessar breytingar með talsvert lengri aðdraganda en eru þá ofar en ekki úthrópaðir svartsýnisrausarar. Já, þetta er svolítið eins og með askana og bókvitið.

Viðlíka samdráttarskeið ekki síðan 1991-92

Munu Þyrnirósir fylgja þessu eftir ?

Stjórnvöld eru mjög afkastamikil við að setja alls kyns reglur og lög en svo er engu fylgt eftir og hér grasserar glæpamennska og svört atvinnustarfsemi sem aldrei fyrr. Illa innréttaðir aðilar mest áberandi í ferðaþjónustu og mannvirkjagerð njóta góðs af því að Þyrnirós sefur víða vært og að því er virðis þá er Þyrnirósunum oft á tíðum verið byrlað svefnlyfjum af þeim sem ráða ferðinni í raun. Það er morgunljóst að stjórnvöld vilja hafa svarta atvinnustarfsemi grasserandi í landinu því ekkert hafa þau gert í raun til að uppræta hana í meira en áratug. Það eru þó fyrirtæki sem eru að reyna að fara að lögum og reglum þó nánast útilokað sé að keppa við skúrkana sem koma sér fram hjá settum reglum. Og á endanum gefast þau upp og deyja eða dansa skúrkadansinn til að lifa af. Mannvirkjabransinn er þannig útfærður að aðalverktakinn virðist vera með allt sitt á hreinu þó hann viti mæta vel að verktakar með aðra undirvarktaka í langri slaufu undir honum eru með fólk í svartri vinnu sem jafnvel er ekki með dvalar- eða atvinnuleyfi og létt er skautað fram hjá öllum reglum. Svo þegar sannleikanum er þyrlað upp þá birtast aðalverktakarnir skælbrosandi með geislabaug í fjölmiðlum og fullyrða að þeir séu alsaklausir og hafi ekki haft hugmynd um allan viðbjóðinn, jafnvel þótt þeir hafi verið forsvarsmenn undirfyrirtækjanna alveg niður í rót. Nei, það er ekki nóg að setja reglur, það þarf að framfylgja þeim sem fyrir eru svo...... Þyrnirósir, rífið nú rassana upp úr stólunum og takið á ósómanum. En sennilega mun einhver ykkur æðri koma þá og slá á puttana, svo ekki sýna of mikinn áhuga. Vandamálið er þeir sem ráða í raun, þeir vilja nefnilega ekki hafa þessa hluti í lagi.

Nauðsynlegt að félög skrái raunverulega eigendur

Nær að draga saman seglin.

Væri ekki nær að draga saman seglin í sauðahúsinu frekar en að belgja þetta enn meira út ? En burtséð frá því þá er greinilegt að hér eru nýjar skóflur á ferðinni. Skóflur eru almennt ekki bara einnota. Var ekkert til af notuðu hjá ríkinu - svona úr fyrri skóflustunguteitum ? Svo margar voru nýju skóflurnar þegar stungurnar voru teknar af nýja landsspítalanum að áhöld voru um hvort það yrði allt handmokað þar.

Mesta framkvæmd á vegum Alþingis í 140 ár

Hvað er á mill eyrnanna ?

Stundum dettur manni í hug að ekki geti neitt verið milli eyrnanna á þessu fólki sem situr á Alþingi. Stjórnmálamenn virðast halda að skattfé sé óþrjótandi auðlind. Eins og Brynjar Níelsson hefur bent á þá virðast stjórnmálamenn almennt líta á skattgreiðendur eins og hvert annað ávaxtatré sem hægt er að tína af eftir þörfum. Ekki bara það heldur að nýr ávöxtur spretti umsvifalaust um leið og einn er tekinn. Það eru stjórnmálamennirnir bæði á Alþingi og sveitarfélögunum sem eru búnir að leggja slíkar álögur, mest til að sinna gæluverkefnum og standa straum af aumingjaframleiðslu að ekki er nokkur leið að lifa bærilegu lífi af meðaltekjum, hvað þá lágmarkslaunum. Og að það skuli vera almennt viðhorf að öryrkjar og lífeyrisþegar sem og listamanna- og atvinnuleysisbótaþegar skuli eiga að bera jafnmikið úr býtum og þeir sem vinna er algjörlega fráleitt. Hvers vegna hættum við ekki bara almennt að borga laun ? Öll laun verði bara hirt af ríkinu sem deilir síðan mat og öðrum nauðsynjum út til þegnanna. Byrja þá á því að gera allar eignir upptækar þannig að enginn eigi neitt. Svo fá allir bara jafnt, þeir sem vinna fái þá ekki örðu meira en öryrkjar, lífeyrisþegar, letingjar og aðrir sem ekkirt leggja til. Það virðast býsna fáir í sauðahúsinu á Austurvelli vera búnir að átta sig á að munurinn á því að vinna á þessum töxtum eða vera á jötunni er svo lítill að það tekur því ekki að vera að því að vinna. Þegar allt er tekið þá eru rétt um 80% hirt af fólki í skatta og þeir sem eru svo galnir að sólunda ekki öllu strax líða fyrir það með því að hirt eru 10% til viðbótar af líkinu, þ.e. af því sem eftir er. Ég bendi á að framlög almennra launamanna í lífeyrissjóð, bæði framlag launamanns og vinnuveitanda eru hreinn skattur þar sem uppsöfnun þar skerðir bara greiðslu ellilífeyris sem viðkomandi hefur þó unnið sér réttindi til. Stjórnmálamenn virðast almennt halda að skettpeningar sé eins og húsdýraáburður og dreifa eigi honum sem víðast óháð því hvort hann komi að gagni eða ekki. Og mest dreifa þeir undir taðgatið á sjálfum sér og sínum.

Ekki boðlegt að fá 250 þúsund fyrir fulla vinnu

Hrægammar samtímans.

Svo mikil offramleiðsla er á lögfræðingum að ekki er lengur flóarfriður fyrir þessu liði. Þeir fylla sali Alþingis en þar er hlutfall þeirra svo gríðarlegt að með réttu þyrfti að setja kvóta á. Þessir gammar sveima núorðið yfir fórnarlömbum ferðaþjónustufyrirtækja og steypa sér niður þegar síst skyldi og þau eru hvað viðkvæmust fyrir áreiti en þá er líkurnar mestar á að ná að kroppa í eitthvað bitastætt. Dæmi eru um svona gamma sem sérhæfa sig í að sitja fyrir flugfarþegum sem verða fyrir töfum í því augnamiði að komast í bætur sem flugfélögin verða að greiða jafnvel vegna aðstæðna sem þau áttu engan þátt í að skapa. Gammarnir gæða sér síðan á svo stórum hluta þess sem næst að innan við 70% eru þá eftir fyrir hið meinta fórnarlamb. Svona umsátur er viðbjóðslegt og ætti að varða við lög. Væri ekki nær að framleiða meira af fagmenntuðu inn í starfsstéttir sem eftirspurn er í og skapar raunveruleg verðmæti ?

Lögmenn sátu um ferðamennina í Gullfosskaffi

Ekkert droll hjá Kínverjunum.

En hvað skyldu þeir vera að gutla sem eru með Nýjan Landsspítala á sínum snærum? Kannski of uppteknir af arkitektúrnum?

Tókst að byggja sjúkrahús á 8 dögum